"İnsan Hüquqları günü ” aylığı çərçivəsində Gəncə Regional Mədəniyyət İdarəsi Gəncə şəhər Mərkəzi Kitabxananın Xidmət şöbəsində “Hüquqlarımızın fərqinə varaq”  mövzusunda dəyirmi masa təşkil edildi.  İlk öncə tədbirdə Azərbaycan torpaqlarının bütövlüyü uğrunda canlarını fəda etmiş  şəhidlərin ruhu 1 dəqiqəlik sükutla yad edildi.  Sonra Xidmət şöbəsinin oxu zalının müdiri Sulaxbin Elçi Aynurənin tarixi günlə bağlı  məruzəsi dinlənildi.

Tədbirdə kitabxananın fəal oxucularından ibarət yeniyetmə və gənclər fəal iştirak  edərəkm mövzu ilə bağlı öz fikirlərini bildirdilər. Böyük maraq doğuran diskusiyada yeniyetmə və gənclər bugünkü inkişafı ilə bölgədə və dünyada söz sahibinə çevrilən Azərbaycanda  insan  hüquqları sahəsində strateji əhəmiyyətli sənədlərin təsdiqi, bir sıra uğurlu islahatların aparılması  insan hüquqlarının müdafiəsi baxımından mühüm təcrübə formalaşdırmasına imkan  yaradılmasından, hüquqlarımızı bilmək üçün, ilk növbədə hüquq və vəzifələrimizi  öyrənməli,  bunlarla bağlı müəyyən bilgilərə sahib olmalıyıq kimi maraqlı çıxışlar etdilər. 

Sonda Mərkəzləşdirilmiş Kitabxana Sisteminin direktor vəzifəsini icra edən Gülünaz  İsgəndərova bu günki gəncliyə öz hüquqlarını qoruya və müdafiə edə bilmə bacarığına malik  olmalarını tövsiyyə edərək, belə bir vacib əhəmiyyət kəsb edən tədbirdə məhz yeniyetmə və  gənclərin fəal iştirakından məmnunluq duyduğunu bildirdi.